مؤمن تحدى التوحد بالرياضة
سنظل نقول ونردد لكل الناس أن الرياضة
هى الحل، والحمد لله السيدة الرائعة البطلة المجاهدة أم مؤمن آمنت بهذا الفكر،
ووحدها بقدرة الله إتخذت القرار الصائب بتفعيل ، وتحفيز اللياقة البدنية للإبن
مؤمن لإعداده لممارسة الرياضة البدنية ، ودروس السباحة لأن فترة عزلة كورونا جعلت وزن مؤمن يزيد ،
ويفقد في نفس الوقت والمرونة، واللياقة البدنية اللازمة لممارسة الرياضة بسلاسة ونجاح.
السيدة أم مؤمن تأثرت إيجابيا بشجاعة
السيدة أم رقية في إمتلاك الشجاعة الكافية لإظهار الإبن مؤمن ذي التوحد على
الميديا …مؤمن كان حالة توحد متوسط غيرناطق،
وذو فرط حركة شديد، وبفضل الله ، ثم بسماع
القرآن مع جهاد ، وكفاح أمه - معه- والذي لم يهدأ لحظة واحدة يوما ما رغم كل
الصعاب والعراقيل ، أصبح مؤمن ذو الحادية عشر من عمره ، وذو توحد من الدرجة
البسيطة ، وبدأ يتكلم بدون علاج بجلسات
الأكسجين ، ولا بتناول الأوميجا كذب !
هيا معا نقرأ كلمات السيدة أم مؤمن :
كتيرباشوف منشورات على الفيس بوك
ووسائل التواصل لأمهات بتتكلم عن بداية المراهقة لأولادنا ومدى صعوبتها وخطورتها
الحقيقه باهتم جدا ان ابنى وانا بدانا المرحلة الحرجة دى لكن بالاقى كلام عن
الولاد باعتبارهم كائنات مخيفه لا احد يستطيع أن يتعامل او يتفاهم معهم مش هانكر اوقات
كنت باخاف واقول لنفسى يمكن الوقت لما يمرابنى يبقى كده لكن لقيت أن الخوف من
زمان ماخلينالوش مكان ليه هيهاجمنا دلوقتى وفكرت ازاى احمى ابنى ونفسى من الوقوع
فى براثن الهوة المخيفه دى ولقيت الاتى :
١- أولاً أنا من وقت طويل نجحت ابقى
انا وابنى أصحاب حتى لو لغة الكلام بيننا مش كامله لكن بافهمه ويفهمنى واحس بيه
ويجى ساعات يعاكسنى ويكون مشاكس بهزار بقى يسمع كلامى حب مش خوف كلام التانيب
والتهديد اختفى خالص من قاموسى معاه .
٢- المهدئات اللى للاسف بنبدا ندفع
فاتورتها فى المرحله الحرجه دى انتهت من حياتنا منذ 5 سنوات وأدوية فرط الحركه منذ
3 سنوات.
٣- الرياضه حصن امان ضد كل مايخيف فى
هذه المرحله الحرجه.
4- الولد معتاد على الرياضه من قبل
البلوغ ممكن نحتاج تزامنا مع البلوغ نزود جلسات Fitness ودى هتحقق اكترمن غرض :
أولا: هتساعد على بناء الكتله العضليه
فى جسم الولد بشكل صح.
ثانيا: تمنع زيادة الوزن اللى احيانا بتحصل
وقت البلوغ للولاد والبنات.
ثالثا: بتخدم الرياضه الاساسيه اللى
بيتدرب عليها الولد ايا كانت سباحه جمبازكرة ايا كان.
رابعا: تفرغ فائض الطاقه البدنيه اللى
ربنا اراد انه يكون موجود فى اجسام الاولاد فى المرحله دى فبدل مايتحول الPowr لتدميروعنف وشكوى مستمره
نخليه بنا للجسم وصحه ورشاقه علشان يدخلوا مرحلة الشباب وهما وسامه واجسام رياضيه
ويبقوا حاجه تفرح .
معلش هى اتحولت لمحاضره فى التربية الرياضية
بس الموضوع مهم ويستاهل.