النداهة بنت الجنية
زمان ، واحنا صغيرين سمعنا حدوتة
النداهة جنية القرية
أيوه هي بنت الجنيه
التي بتنادي من بعيد
في السكك الضلمة المؤذية
بتنادي بخباثة، وقال إيه برقة ، وحنية
!
آه منك إنت يابنت الجنيه
ومن يستجيب بكل سذاجة وغشومية
لندائها المخادع يذهب ولا
يعود تاني
بعد ذلك أبدا
ولا ثانيه
الآن النداهة رجعت تاني
في كل شاشة إليكترونية
هاتلاقوها جوا مستخبية
بتنادي بأحلي أغنية
إوعوا
تسيبوهم يروحوا نواحيها
وهم راجعين
بالمرة يْعَدُوا ع بتوع الأعصاب،
والنفسية،
وبالمرة كمان … النفسية
، والعصبية !
الكل بيعزف للنداهة ، ويغني معاها
بيردد نفس غُنَاها
ويا ويلُه ُ إللي يروح نواحيها
واللا يغني معاهم
راح يبقى نهاره كوبية ، ولياليه عتمة
سودا مْغَمِّيِّه